Тропарь, глас 1

Просветився Божественною благодатию, неверных люди наста­вил еси к свету Богоразумия, и по смерти сияя светлостию жи­тия твоего, источаеши исцеления притекающим с верою к тебе, Аврамие отче наш, Христа Бога моли даровати нам велию милость.

Кондак, глас 2

Иго Христово прием, Аврамие, и Того крест на рамо взем, последовал еси Ему, насажден быв в дому Господни и процвел еси, яко финикс и яко кедр, иже в Ливане, умножил еси чада твоя, муж желаний духовных: от возлюбленнаго же апостола Иоанна Богосло­ва благодать восприим, жезлом сокрушил еси идола и рас­сыпал еси его, яко прах, и чудотворец убо велий явился еси, препо­добне. Темже Христа Бога моли непрестанно о всех нас.

29 октября/11 ноября совершается память преподобного Аврамия, за­твор­ника Печерского, в Ближних пещерах почивающего (XII—XIII вв.).

Тропарь, глас 2

Велия веры исправления, в пещернем затворе, яко на воде упокоения, преподобне отче Аврамие, радовался еси, огнем бо любве Божественным распаляем, бдением и молитвою бесстрастия достигл еси и явился еси равноангельный на земли, того молитвами, Христе Боже, спаси души наша.

Кондак, глас 3

Во плоти яко Ангел на земли явился еси, и пощением, яко древо насажденное при водах воздержания возрос еси, теченьми же твоих слез скверну омыв, Аврамие, явился еси селение Божественное Святаго Духа.

29 октября/11 ноября совершается память преподобного Серапиона Зарзмели, Грузинского (+ 900).

30 октября/12 ноября совершается память святого Иоатама Гру­зин­ского (+ 1465).