Тропарь, глас 4

Христа истиннаго Бога всею душею возлюбил еси, и Тому невозвратным желанием последовал еси, вся же красная и сладкая возненавидев, и яко богопарный орел на небеса возлетел, тамо со Ангелы ликуеши, и со всеми святыми Святей Троице предстоиши: моли и нам спастися, чадом твоим, якоже обещался еси, Александре преподобне, отче наш.

Кондак, глас 8

Родитель своих любовь отринул еси, и дом свой яко чужд оставил еси, водвори бо ся в пустыню, и тамо виде Бог труды твоя и подвиги, пастыря и наставника богоизбранному стаду быти сподобляет тя, и по преставлении великими чудесы прославляет тя, исцелити различныя недуги: моли Христа Бога о нас, празднующих любовию память твою, да вси единогласно вопием ти: радуйся, преподобне Александре, отче наш.