Тропарь, глас 4

Возложив на ся иго Христово, от юности, преподобне отче Иове, многолетне свято подвизался еси на поприще благочестия во обители Угорницкой и на острове Дубенстем; и притек к горе Почаевской, знаменитой цельбоносною стопою Пречистыя Богородицы, в тесной пещере каменной богомыслия ради и молитвы многократно заключался еси; и благодатию Божиею укрепляяся, мужественно потрудился еси на пользу обители твоея, купно же и противу врагов Православия и благочестия христианскаго, и наставив сицевому ополчению иночествующих, победители тех представил еси своему Владыце и Богу; Того моли спастися душам нашим.

Кондак, глас 8

Возсия от спуда земнаго благодатная луча честных мощей твоих, угодниче Божий, яже благочестно пожив в вере Христа Бога нашего, достигл еси добродетелей совершенства. И оставль сладость жития преходящаго, в пещере горы Почаевския в пощении, молитвах и трудех свято потрудился еси, и теми тело твое увядил еси. Ныне же пришед к Богу в безмятежный и вечный живот, молишися о всех с верою к тебе прибегающих. Тем же благодарне вопием ти: радуйся, отче Иове, преславный угодниче Божий и обители Почаевския украшение.