Тропарь, глас 4

Возсия днесь светло, радуется град Белоезеро, имея во области своей великаго светильника блаженнаго отца Иродиона. Сошедшеся убо и видевше людие многоцелебную раку его, пресветло осиявающу многими деянии чудес дара. Просящим с верою исцеления, страж­дущим от различных недугов подает здравие. Яко финикс насажден в дому Божия Матере, яко кедр при водах благодатию Христовою растущь. И якоже шипок благовонен обстоянии водами огражден.  И мы, чада твоя суще, припадающе молимтися: моли Пресвятую Троицу еже сохранитися граду нашему от нахождения иноплеменник и от врагов видимых и невидимых. Яко да твоими к Господу молитвами спасаеми, всегда просим с верою у тебе: моли о нас Христа Бога спастися душам нашим.

Кондак, глас 1

Слышавше отцы и братия немедленно притецем, и немолчно  и усердно вопием ему, глаголюще: о пресветлый наш о Господе учителю отче Иродионе! Во спасаемых подвигах ревнитель был еси препо­добному Корнилию и стопам последовал еси его. И един единому Богу изволи служити: слезами и постом и бдением изнуряя тело свое веч­ныя ради жизни. Господеви работая, крест Господень на рамо взем, последовал еси Ему, бодренными си молитвами вооружаяся невидимо на врага. И ныне зрети сподобися во свете неизреченныя радости Пресвятую Троицу. Слава Богу всельшемуся в тя, слава Укрепльшему тя, слава Деющу тобою всем исцеление.