Тропарь, глас 3

Всечестный канонарше Леонтие, правилоначальный бывый в церкви и к правиле иночестем возсиявший светло, моли Христа Бога, да прегрешений оставление подаст душам нашим.

Кондак, глас 1

Канонаршествуя, честный канонарше Леонтие, и пение церковное поющим предводительствуя в церкви, уподобился воистинну Ангелам, поющим Бога на небеси, ихже и житию подражая и с ними ликуя, поминай ны, любовию хвалящих тя.

Ин тропарь, общий, прпп. Геронтию и Леонтию, глас 3

Двоице святая, правилоначальная, бывшая в церкви и в правиле иночестем возсиявшая светло, всечестнии канонарси, молите Христа Бога, да прегрешений оставление подаст душам нашим.

Ин кондак, общий, глас 1

Канонаршествующе, честнии канонарси, и пение церковное поющим предводительствующе в церкви, уподобитеся воистинну Ангелам, поющим Бога на небеси, ихже житию подражавши и с ними ныне ликующе, поминайте ны, любовию хвалящих вас.