Тропарь, глас 4:

Иго Господне на рамо взем, последовал еси Христови со учителем своим преподобным Сергием, с нимже и сподобился еси видети Пресвятую Богородицу. И слышал еси пресладкий глас Ея, яко обещася неотступно быти места сего, но, о преподобне Михее, молися о чтущих святую память твою.

Кондак, глас 8:

Приидите, монашествующих собори и постников лицы, сошедшеся, похвалим блаженнаго Михея, спостника преподобнаго Сергия, с нимже предстоит Святей Троице и молится спастися душам нашим.

«Радуйся, пустыне Радонежская, — поет Святая Церковь, — прорастившая крины духовныя; радуйся, славная обитель Сергиева, память творящи первыя ученики его.

Монахов множества, приидите, восхвалим ученика Сергиева, преподобнаго отца нашего Михея. От юности возлюбил еси Христа, небесную доброту желая улучити, Божиею силою укрепляем, житие твое явися благочестно, добродетельми украшено, простотою и смирением, яко венцем венчаемо.

Отечество и род ты, отче, оставив, в пустыню пришел еси к великому Сергию, повинулся во всем, с нимже подвизаяся при храме Живоначальныя Троицы, дом Духу Святому себе сотворил еси.

Свет возсия Небесный — Се, Пречистая грядет! — посещающе отца нашего Сергия вкупе же и смиреннаго Михея, сподобляюще радости Небесныя, во плоти еще сущи.

Чистоты сосуд показался еси, озаряемь Божественною светлостию, Святую Троицу чествовати научился еси от учителя твоего Сергия преподобнаго, темже и Бог вас превознесе и дарова честь, еже со Ангелы и всеми святыми славити Его во веки».

Молитва