Тропарь, глас 4

Апостолов единонравне и сопрестольне, служителю Христов верный и богомудрый, цевнице избранная Божественнаго Духа, сосуде преизливающийся любве Христовы, Японския земли просветителю, святый Николае, иерарше равноапостольне, молися Живоначальной Троице о всем твоем стаде и о всем мире.

Тропарь, глас 4

Яко апостолом сопричастника в трудех и возмездиих Церковь тя с любовию почитает, святителю отче Николае равноапостольне. По­ложив бо многими подвиги начало Православия в Японии язычес­тей, умножил еси в ней чада спасения, и по кончине прият тя Бог
во оби­­тели апостол Своих по достоянию. Сего ради молим тя, молися Господеви пребывати и в предняя делу твоему незыблему на веки,
и ввестися в лоно Церкве Православныя всем погибнути имущим, умиритися мирови и спастися душам нашим.

Кондак, глас 4

Странника и пришельца прият тя страна Японская, равно­апостольне святителю Николае, в ней же исперва познал еси себе яко чуждаго, обаче теплоту и свет Христов источая, прелагал еси враги твоя в сыны духовныя, имже раздая благодать Божию, созидал еси Церковь Христову, о ней же ныне молися, и тебе бо сынове ея
и дщери взывают: радуйся, пастырю добрый наш.

Кондак, глас 2

Твердаго и боговещанаго проповедателя Евангелия Твоего, Госпо­ди, возмездил еси боголепно, труды бо его и болезни приял еси паче всех жертв законных и всесожжений. Того молитвами соблюди нас от неприязни.