Тропарь, глас 4

Соборе святых земли Смоленския, водами священного Днепра омовенныя, святителие, преподобнии, страстотерпцы и благовернии, апостольскую веру соблюдшии, се ныне, Святей Троице с Богородицею и лики бесплотных предстояще, водами благочестия землю Русскую напаяете, дарующе православным помощь небесную во утверждение веры и спасение душ наших.

Кондак, глас 3

Небесныя Царицы путеводительством, подвигоположницы земли Смоленский, земный путь в православной вере прошедшии и святых отец предания сохраншии, молите путь веры и нам соблюсти, смирению смирившегося до смерти крестныя Сына Божия подражающе, молитвами Богородицы, и спастися душам нашим.