Тропарь, глас 4

Православно проповедав, изъяснил еси догматы, Бога милостива сотвори, и Его ради во юродство претворися, и шибание великое сотворил еси, и снег и зной приим на своем телеси, по преставлении же своем даеши многа исцеления с верою приходящим к раце мо­щей твоих: сего ради вопием ти, Феодоре блаженне, моли Христа Бога непрестанно о всех нас.

Кондак, глас 3

Яко злато в горниле, Феодоре блаженне, мира сего красоту отнюд возненавидев, плоть свою зноем и жаждою увядил еси и от прочия воздушныя тягости никогда же уклонился еси, и сего ради волею в юродство претворися, Феодоре блаженне.

Тропарь, глас 8

Иже на земли Христа ради в буйство преложився, мира сего красоты отнюд возненавидев, плотская взыграния утвердив, от дождя и снега и прочия воздушныя тягости никогда же уклонился еси, от ненаказанных человек поругание, радуяся, претерпел еси, подобяся Творцу своему: Господи, не остави им греха сего, душу же предочистив, яко злато в горниле, темже Христос прият ю, и яко светозарную звезду к своей славе причастну содела: темже ныне, преблаженне Феодоре, предстоя Святей Троице, моли Христа Бога за императора православнаго, за град же и люди, почитающих любовию пречестную память твою.

Кондак, глас 8

Вышния красоты желая, нижняя сладости и телесное деяние тощия оставил еси, нестяжание суетнаго мира возлюбил еси, Ангелов житие проходя, блаженне Феодоре: с нимиже Христа Бога моли непрестанно о всех нас.