Тропарь, глас 4

Житейския молвы, преподобне, отвергся и, яко птица, обрет
в пустыни безмолвие, и в ней водворився составил еси обитель Пресвятыя Троицы, в молитвах же и трудех прилежа Богови, процвел еси яко финикс, быв образ утешения духовнаго, преподобне отче Пахомие, моли Пресвятую Троицу спастися душам нашим.

Кондак, глас 4

В пустыни безмолвствуя, единствующу ти, богоносе, изыскал еси Господа Бога же, не оставльша тя единаго в пустыни, повелением снидошася к тебе братия, с нимиже молящуся ти Господеви, Троице пречестен храм воздвигл еси, в нем же предстоя, преподобне Пахомие, молишися о спасении душ наших.